Արցախում տեղի ունեցածի կրողը նաև այն անվտանգային համակարգն էր, որն ուներ Հայաստանը։ «Առաջին լրատվական»-ի հետ զրույցում նշեց տարածաշրջանային հարցերով փորձագետ Արմեն Պետրոսյանը։
Պետրոսյանի խոսքով՝ Հայաստանին սպառնացող մարտահրավերները սարերի հետևում չեն ու կանխատեսելի են. «Հայաստանի դեմ մարտահրավերները մեկ ուղղությամբ չեն։ ՌԴ-ն փորձում է իր դիրքերն ամրապնդել տարածաշրջանում։ ՌԴ-ն ուզում է ցույց տալ տարածաշրջանի երկրներին ու հակառակորդներին, որ հեռանալու պլաններ չունի»։
Ըստ փորձագետի՝ իր դիրքերն ամրապնդելու համար ՌԴ-ն Ադրբեջանի հետ հերթական պատերազմի համաձայնության է եկել. «Զանգեզուրի միջանցք նախագիծը տարածաշրջանային նախագիծ չէ. աշխարհաքաղաքական է։ «3+3» ձևաչափի տրամաբանության մեջ երեք գերտերությունով փորձ են անելու Հայաստանին պարտադրել զիջել Զանգեզուրի միջանցք։ Զանգեզուրի միջանցք ստանալու համար Իրանին ազդեցության լծակներ կառաջարկվեն։ Նժարին այլ խաղադրույքներ են, տարածաշրջանում իրավիճակ ու ստատուս քվո է փոխվել»։
