Ցավոք, Հայաստանին չհաջողվեց արագ վերադիրքավորվել, երբ պարզվեց, որ ՌԴ-ն իր անվտանգության երաշխավորը չէ: «Առաջին լրատվական»-ի հետ զրույցում նշեց ռուս քաղաքական վերլուծաբան Իվան Պրեոբրաժենսկին:
Վերլուծաբանի խոսքով`ԱՄՆ-ի համար ռազմավարական առումով ավելի կարևոր է Ուկրաինային օգնությունը. «Եվ ԵՄ-ն, և ԱՄՆ-ն փորձում են հարցը լուծել դիվանագիտական ճանապարհով: Ռուսական նավից դուրս պրծնելու և ափ հասնելու շանսերը, ցավոք, շատ փոքր են: Ռուսաստանը հանդես եկավ որպես հակամարտության կողմ և ըստ էության՝ Ադրբեջանի կողմից»:
Վերլուծաբանը նաև կարծում է, որ ԱՄՆ-ում մինչև նախագահական ընտրություններ որևէ ռազմավարական որոշում չի կայացվի Հայաստանի մասով. «Եթե Բայդենի կայացրած որևէ որոշում չկարողանա կանխել էթնիկ զտումները, ապա դա սև բիծ կլինի նրա վարչակազմի վրա: Եթե ԱՄՆ-ում ընտրվի հանրապետական նախագահ, ապա Հայաստանին աջակցության շանսերը, գուցե, կմեծանան»:
