Շվեյցարական ժամացույցների խոշորագույն արտադրող Swatch Group-ը խզում է հարաբերությունները ամերիկյան Tiffany & Co.-ի հետ` մեղադրելով ոսկերչական ընկերությանը բիզնեսի զարգացմանը խոչընդոտելու մեջ,- հայտնում է Bloomberg-ը:
Բացի այդ Swatch-ը փոխհատուցում կպահանջի Tiffany-ից դադարեցված գործարքից կրած վնասի համար: Շվեյցարական ժամացույցներ արտադրողը հայտարարում է, որ Tiffany-ն «պարբերաբար միջոցներ է ձեռնարկել» Swatch-ի բիզնեսի զարգացմանը խոչընդոտելու նպատակով:
Swatch-ը և Tiffany-ն գործընկերներ են դարձել 2008 թվականին: Այդ ժամանակ ընկերությունները որոշել են միասին զարգացնել, արտադրել և վաճառել թանկարժեք ժամացույցներ՝ Tiffany բրենդի ներքո: Համագործակցությունը հաշվարկված է եղել 20 տարվա համար և կարող էր երկարաձգվել ևս 10 տարով: Սակայն մոտակա երկու տարիներին ընկերությունների համատեղ ձեռնարկությունը կդադարի գոյություն ունենալուց:
