Ինչպես այսօր հաղորդում է իսրայելական Haaretz-ը՝ հղում անելով Իսրայելի պաշտպանության նախարարությունում իր աղբյուրներին, իսրայելական հատուկ ծառայությունները զեկուցել են երկրի վարչապետ Բենյամին Նեթանյահուին պաղեստինյան կողմի հետ բանակցությունների սեղանին վերադառնալու անհրաժեշտության մասին:
Հատուկ ծառայությունների այս զեկույցը Նեթանյահուն անձամբ է ներկայացրել կառավարության մյուս անդամներին: Նրա խոսքերով` Իսրայելի դիրքորոշման մեղմացումը զգալի դիվանագիտական առավելություններ կտա հրեական պետությանը, նույնիսկ եթե հաշվի առնվի, որ դա կարվի ազգային հպարտության հաշվին: Նշվում է, որ եթե Իսրայելը շարունակի կոշտ դիրքորոշում որդեգրել, ապա միջազգային դիվանագիտական մեկուսացումն անխուսափելի կլինի:
Հիշեցնենք, որ ներկայիս կառավարությունը լուրջ բացթողումներ ունի արտաքին քաղաքականության մեջ: Այն հասցրել է փչացնել հարաբերություններն իր հիմնական դաշնակիցների` Թուրքիայի և ԱՄՆ-ի հետ: Ընդ որում՝ երկկողմ հարաբերություններում լարվածությունը շարունակում է աճել:
