Թուրքական Sabah թերթի փոխանցմամբ՝ Թուրքիայի զինված ուժերի գլխավոր շտաբն ու ազգային հետախուզական կազմակերպությունը (MIT) անվտանգության առավելագույն միջոցառումներ են կազմակերպել դեպի «Արաբական գարուն» վերապրած երկրներ Թուրքիայի վարչապետ Էրդողանի շրջագայության կապակցությամբ։
Նշվում է, որ Էրդողանը նախ այցելելու է Եգիպտոս, ապա Թունիս ու Լիբիա։ Նախապես այս երկրներ են ուղարկվել թուրք թիկնապահներ, հատուկջոկատայիններ, որոնող շներ, էլեկտրոնային համակարգերի պաշտպանության խմբեր։ Բացի այդ, Էրդողանի առավելագույն անվտանգության ապահովման համար Թուրքիայի ուժային կառույցները արբանյակով են հետևելու նրա շուրջը տեղի ունեցող անցուդարձերին։
Հիշեցնենք, որ Էրդողանի ինքնաթիռը Կահիրեի օդանավակայանում վայրէջք է կատարել կեսգիշերին։
