«Այս քսան տարում մեր հեռուստաընկերությունները այնքան փոխեցին հանդիսատեսի ճաշակը, և ժողովուրդը ուտում է այդ անճաշակությունը, ճաշը, որովհետև սովոր է դրան»,- լրագրողների հետ հանդիպմանը անդրադառնալով հասարակության՝ օրեցօր անկում ապրող ճաշակին՝ ասաց Սունդուկյան թատրոնի դերասան Կարեն Ջանիբեկյանը` չհամաձայնելով այն դիտարկմանը , թե հանդիսատեսն է ուզում դա տեսնել, պարզապես նրան այլ ելք չեն թողել։
Գյումրու Վարդան Աճեմյանի անվան թատրոնի գեղղեկավար Նիկոլայ Ծատուրյաննն էլ ասաց, որ մեզանում հանդիսատեսը ուզում է գալ ու տեսնել շոու, շքեղություն, իսկ գալիս տեսնում են մեկ-երկու կտավ, մի անցք, ու ներկայացումը կոչվում է շոու։
Անդրադառնալով Հայաստանի անկախության քսանամյակի միջոցառումներին` նա ասաց, որ մեզանում ծրագիր չկա, «հենց այնպես ապրում ենք, էլի։ Ամենամեծ հանցանքը ՈՒՀԱ-ինն է, որն իր շեշտը դրեց խնդացնելու վրա»,- ասաց Ն. Ծատուրյանը։
