Հայաստանում Եվրամիության դիտորդական առաքելության ղեկավար Մարկուս Ռիտերը, որը Լաչինի միջանցք տանող ճանապարհին հետևում է Հայաստանից Արցախ հումանիտար բեռների տեղափոխմանը, լրագրողների հետ զրույցում ասել է, որ անձամբ Կոռնիձորում է, որպեսզի հանրության համար տեսանելի լինի այն, ինչ կատարվում է:
Նա, մասնավորապես, նշել է. «Մեր առաքելության մեկնարկից ի վեր մենք պարեկություն ենք անում Հայաստան-Ադրբեջան սահմանի երկայնքով, դիմակայության գծի երկայնքով, մշտադիտարկում ենք իրավիճակը սահմանին: Մենք այցելում ենք հակամարտությունից տուժած բնակավայրեր և զեկուցում ենք Բրյուսելին, թե ինչ է կատարվում այստեղ, և դրանով աջակցում ենք խաղաղության բանակցություններին և Եվրամիության խաղաղարար ջանքերին: Լաչինի միջանցք մտնող ճանապարհը մեր պատասխանատվության գոտում է, և մենք դիտարկում ենք, թե ինչ տեղի կունենա այստեղ այսօր՝ տեղյակ չլինելով, թե ինչ է կատարվում»։
Հիշեցնենք, որ Հայաստանից Արցախ ուղարկվող 400 տոննա հումանիտար օգնությունը 19 բեռնատարներով արդեն Կոռնիձորում է, բայց դեռ պարզ չէ՝ կհաջողվի բեռը հասցնել Արցախ, թե ոչ:
Մինչ բեռնատարների ուղևորվելը մարդասիրական օգնության պարունակությունը ստուգել են ՀՀ-ում հավատարմագրված 15 երկրների դեսպաններ։
Բաքուն արդեն հումանիտար ակցիան որապել է որպես սադրանք։
