Սեպտեմբերի 2-5-ը Շուշիում տեղի ունեցավ «Barcamp Արցախ 2011»-ը, որին մասնակցում էին Հայաստանի և Արցախի բազմաթիվ բլոգերներ, ԶԼՄ-ների ներկայացուցիչներ, ՏՏ ոլորտի ներկայացուցիչներ, ընդհանուր առմամբ՝ 250-300 մարդ: «Նպատակը բոլոգերներին մեկ հարկի տակ միավորելն է, միմյանց հետ շփվելու հնարավորություն ընձեռելը»,- «Առաջին լրատվական»-ի հետ զրույցում տեղեկացրեց «Տարվա բլոգեր» միջոցառման ներկայացուցիչ, Connect.am կայքի հիմնադիր, System of down կայքի հիմնադիր Վահե Շահվերդյանը:
Նրա խոսքով`մի քանի օրում մասնակիցները փոխանակել են իրենց փորձը, ներկայացրել անելիքները, ավագները` փոքրերին փոխանցել իրենց փորձը: «Barcamp Արցախ»-ին մասնակցել են հայաստանյան գրեթե բոլոր հայտնի բլոգերները: Barcamp Արցախի մասնակիցները ներկա են եղել նաև Ստեփանակերտում անցկացվող՝ Արցախի անկախության 20-ամյակին նվիրված տոնական միջոցառումներին, կազմակերպվել են բազմաթիվ շնորհանդեսներ, սեմինարներ:
Այն հարցին, թե ինչ են տալիս նմանատիպ միջոցառումները մասնակիցներին, Վ.Շահվերդյանը պատասխանեց, որ առաջին հերթին դրանք խթանում են համագործակցությունն ու օգնում ընկներներ գտնել:
Հայաստանում Barcamp-ն առաջին անգամ անցկացվել է 2009 թ., Արցախում՝ 2010 թ.:
Barcamp Արցախ 2011-ի կազմակերպիչներն էին «Արցախի կրթական հիմնադրամ»-ը, աջակցել է Արցախի մշակույթի և երիտասարդության հարցերի նախարարությունը։
