Աշխարհում մեծ տարածում է սկսում ստանալ «փլենքինգ» զվարճալի մարզաձևը, երբ մասնակիցներն անհավանական վայրում ընդունում են տախտակի տեսք` ուղղահայաց քարացնելով մարմինը:
Այսպես՝ վերջերս Ավստրալիայի դատարանը որոշել է տուգանել երկու ավստրալացիների` աշխատանքի վայրում «փլենքինգով» զբաղվելու համար: Սթյուարտ Քիֆթն ու Քեմերոն Դենբեսթենը պետք է վճարեն մոտ 160-ական ԱՄՆ դոլար աշխատավայրում անվտանգության կանոնները խախտելու համար: Իսկ գործը հարուցվել է շինարարների կողմից Facebook սոցիալական ցանցում հրապարակված նկարների փաստով, որի վրա պատկերված է, թե ինչպես են նրանք տարբեր վայրերում «տախտականում»:
Տեղեկացնենք, որ «փլենքինգը» հորինել են երկու անգլիացի պատանիներ, իսկ այն առավել հայտնի է դաևձել 2000-ականների սկզբին: «Տախտականալուց» անհրաժեշտ է ձգվել՝ դեմքը դեպի ներքև, այդ դիրքում անհրաժեշտ է նկարվել և տեղադրել նկարը սոցիալական ցանցում: Հայաստանում այս «սպորտաձևը» նույնպես տարածում է գտնում: Facebook սոցիալական ցանցում «փլենքինգին» նվիրված էջ կա:
