Ազատազրկված անձանց մասնագիտացված բուժօգնության տրամադրող «Քրեակատարողական բժշկություն կենտրոն» ՊՈԱԿ-ի կառավարումը Կառավարության որոշմամբ կիրականացնի առողջապահության նախարարությունը։
Անահիտ Ավանեսյանն այսօր այցելել է Քրեակատարողական բժշկական կենտրոնի «Արմավիր» ստորաբաժանում, որտեղ ծանոթացել է դատապարտյալներին մատուցվող բուժօգնության որակին, պայմաններին, լսել ազատազրկված անձանց բարձրացրած խնդիրները։
Իսկ «Քրեակատարողական բժշկություն կենտրոն» ՊՈԱԿ-ի «Դատապարտյալների հիվանդանոցում» նախարարը շրջել է ախտորոշիչ, ինֆեկցիոն, հոգեբուժական, թոքախտաբանական, ընդհանուր թերապիայի և պալիատիվ օգնության, նարկոլոգիական բաժանմունքներում, վիրաբուժական կաբինետում, դեղատանը։ Անահիտ Ավանեսյանին են ներկայացվել հիվանդանոցի հնարավորությունները, հագեցվածությունն ու առկա կարիքները։
Քննարկվել են քրեակատարողական հիմնարկներում հիվանդանոցային, մասնագիտացված բժշկական ծառայությունների որակը բարելավելու հնարավորությունները։
