Լիբիայի նախկին առաջնորդ Մուամար Քադաֆին, որի գտնվելու վայրը մինչև հիմա անհայտ է, զանգել է սիրիական հեռուստաալիքներից մեկին և վստահեցրել, որ պայքարելու է մինչև վերջ և հաղթելու է ՆԱՏՕ-ին: «Երիտասարդությունը պատրաստ է Տրիպոլիում ակտիվացնել դիմադրությունն ապստամբների դեմ և վերջ տալ վարձկաններին: Մենք ՆԱՏՕ-ին պարտության կմատնենք»,- ասել է Քադաֆին: Այս մասին հաղորդում է Reuters գործակալությունը:
Նա նշել է, որ հեռուստաստուդիա զանգել Լիբիայից: Քադաֆին նաև անդրադարձել է զինվորական շարասյուների հարցին, որոնք, ըստ ապստամբների, Քադաֆիի կողմնակիցներին և նրանց ունեցվածքը տեղափոխում են Նիգեր: «Շարասյուները գնում են Նիգեր և նորից մուտք գործում Լիբիա… Այդպիսի շարասյուներ միշտ էլ եղել են»,- անհասկանալի մեկնաբանություններ է տվել Քադաֆին:
