Իտալիայի Միլան քաղաքի կենտրոնում պայթյուն է որոտացել, որի հետևանքով 1 մարդ վիրավորվել է: Որպես նախազգուշական միջոցառում՝ մոտակա մանկապարտեզից բոլորին տարհանել են: Մի քանի մեքենա բռնկվել է: Այս մասին հաղորդում է Euronews-ն:
Նշվում է, որ ըստ տեղի լրատվամիջոցների՝ պայթյունը տեղի է ունեցել այն բանից հետո, երբ այրվել է թթվածնի բալոններ տեղափոխող ֆուրգոնը։
Միլանում Euronews-ի թղթակիցը հայտնել է, որ պայթյունի հետևանքով ձեռքերի շրջանում այրվածքներ է ստացել մեքենայի վարորդը: Նրան տեղափոխել են հիվանդանոց:
Պայթյունի վայրին հարող տարածքը շղթայվել է:
Տեղի բնակիչների և մանկապարտեզի ուսուցիչների բնութագրմամբ՝ պայթյուններն այնքան ուժգին են եղել, որ իրենց թվացել է, թե ռումբեր են պայթում:
