Տեխաս նահանգի Դալլաս քաղաքից հյուսիս գտնվող Ալլեն առևտրի կենտրոնում զինված տղամարդն անկանոն կրակել է և սպանել 8 մարդու, այնուհետև ոստիկանությունը չեզոքացրել է հանցագործին:
Առևտրի կենտրոնից հարյուրավոր մարդիկ են տարհանվել, ականատեսները նկարագրել են, թե ինչպես է տղամարդն անկանոն կրակում անցորդների ուղղությամբ:
Հաղորդվում է, որ զոհերից մի քանիսը երեխաներ են։
Առնվազն յոթ մարդ հիվանդանոցում է, որոնցից երեքի վիճակը ծանր է։
Հրշեջ ծառայության ղեկավարը հայտնել է, որ 7 մարդ, այդ թվում՝ զինված անձը, արդեն մահացած են եղել դեպքի վայրում, իսկ երկուսը մահացել են ավելի ուշ՝ հիվանդանոցում:
