ԱՄՆ-ի 7 նահանգներում տեղի ունեցած ավերիչ փոթորիկը, որն ուղեկցվել է նաև ուժգին պտտահողմերով, առնվազն 32 մարդու կյանք է խլել: Փոթորիկը Միացյալ նահանգներին է պատուհասել մարտի 31-ին: Զոհեր են եղել Ալաբամա, Արկանզաս, Դելավեր, Իլլինոյս, Ինդիանա, Միսիսիպի և Թենեսի նահանգներում: Այս մասին հաղորդում է The New York Times պարբերականին:
Տարերքի հետևանքով կան նաև տասնյակ տուժածներ: Պտտահողմերը փլուզել են տանիքներ, տապալել ծառեր, ավերել տներ: Մի քանի նահանգներում մարդիկ մնացել են առանց էլեկտրականության:
Ըստ օդերևութաբանական ծառայության՝ մասնագետներն արձանագրել են 65 վայր, որտեղ պտտահողմեր են եղել կամ որտեղ դրանք վնասներ են հասցրել: Սակայն պտտահողմերի հստակ թիվն առայժմ հայտնի չէ:
Անցյալ շաբաթ Միսիսիպիին նույնպես պտտահողմեր էին պատուհասել՝ առնվազն 26 մարդու կյանք խլելով:
https://twitter.com/rawsalerts/status/1641911839809257472?ref_src=twsrc%5Etfw%7Ctwcamp%5Etweetembed%7Ctwterm%5E1641911839809257472%7Ctwgr%5E2e873d9fb962cc3de3ff255979b7f5931af9a896%7Ctwcon%5Es1_&ref_url=https%3A%2F%2Fwww.armenpress.am%2Farm%2Fnews%2F1107788.html
