Վերջին երեք տարիների ընթացքում ԱՄՆ նախագահ Օբամայի վարկանիշը հասել է ամենացածր մակարդակին: The Washington Post-ի և ABC NEWS-ի անցկացրած հեռախոսային հարցմանը մասնակցած ԱՄՆ քաղաքացիների ավելի քան 60%-ը դժգոհ է Օբամայի վարչակազմի վարած տնտեսական քաղաքականությունից: Այս մասին հաղորդում է The Washington Post-ը:
Բնակչության դժգոհության հիմնական պատճառը գործազրկությունն է, որը օգոստոսին գրանցել է 9.1% ցուցանիշ, ինչպես նաև Օբամայի և նրա վարչակազմի գործողությունները` կապված բյուջետային դեֆիցիտի կրճատման հետ: Նշվում է, որ Օբամայի նախորդների՝ Ռոնալդ Ռեյգանի, Բիլ Քլինթոնի և Ջորջ Բուշ կրտսերի վարկանիշները նույնպես ընկել են նույն ժամանակահատվածում: Օրինակ՝ Ջորջ Բուշ կրտսերի վարկանիշը նվազել էր մինչև 40% և այլևս չէր բարձրացել:
