Նյու Յորքում տոնական զորահանդեսի ժամանակ, որը նվիրված է եղել Վեսթ Ինդիայի օրվան, տեղի է ունեցել փոխհրաձգություն, որի ժամանակ սպանվել է մի քանի մարդ, վիրավորվել է մեկ ոստիկան: Այս մասին հաղորդում է Associated Press գործակալությունը` հղում անելով Նյու Յորքի քաղաքապետ Մայքլ Բլումբերգին:
Բլումբերգն ասել է, որ կրակոցները լսվել են զորահանդեսից մի քանի հարյուր մետր հեռավորության վրա: Հրազենային վնասվածքներից մահացել է 3 մարդ, ոստիկանը վիրավորվել է ձեռքից, նա հոսպիտալացվել է: Նշվում է, որ զոհվածներից մեկը եղել է փոխհրաձգության ականատես, մյուս երկուսը` քրեական հանցագործներ են: Միջադեպը տեղի է ունեցել զորահանդեսի մեկնարկի վայրում: