Կահիրեի ոստիկանական ակադեմիայում ընթացող` Եգիպտոսի նախկին նախագահ Հոսնի Մուբարաքի դատավարությունը հետաձգվել է, քանի որ շենքի թե’ ներսում, թե’ դրսում փաստաբանների միջև բախումներ են տեղի ունեցել:
Ինչպես հաղորդում է BBC-ն, դատավարության այն պահին, երբ դատարանը քննում էր Մուբարաքի կողմից ցուցարարների վրա կրակ բացելու հրամանի վերաբերյալ նյութերը, հեղափոխության օրերին զոհված ցուցարարների հարազատները սկսել են Մուբարաքի և մյուս ամբաստանյալների փաստաբանների վրա նետել իրենց կոշիկները:
Դատավարության ժամանակ ցուցմունք տված ոստիկաններից մեկը հերքել է, որ ներքին գործերի նախկին նախարարը ցուցարարների վրա կրակ բացելու հրաման է տվել: