Ռուսաստանի նախագահ Վլադիմիր Պուտինն Ուկրաինա Ռուսաստանի ներխուժման տարելիցի կապակցությամբ հանդես է գալիս ուղերձով։
Ուղերձում նախագահը Արևմուտքին է մեղադրում պատերազմ հրահրելու մեջ։
«Արևմուտքն է պատերազմ սկսել, Իսկ Ռուսաստանն ուժ է գործադրում այն կանգնեցնելու համար։ Վերջին տասնամյակների ընթացքում Արևմուտքը շշից բաց է թողել ջինը և քաոսի մեջ գցել ամբողջ տարածաշրջաններ»,-ասել է նախագահը։
Ըստ Պուտինի՝ Արևմուտքն արդեն ավելի քան 150 մլրդ դոլար է ծախսել Կիևին աջակցելու և նրան զենք մատակարարելու համար։
«Մյունխենի համաժողովում Ռուսաստանի դեմ անվերջ մեղադրանքներ էին հնչեցնում։ Եվ դա անում էին միայն այն պատճառով, որ բոլորը մոռանան, թե ինչ է արել արևմուտքը վերջին տասնամյակում։ Այդ նրանք են ջինը դուրս թողել շշից, ամբողջ տարածաշրջաններ քաոսի մատնել։ 2001թ. ԱՄՆ սանձազերծած պատերազմների արդյունքում զոհվել է 900 հազար մարդ, 38 միլիոնը դարձել փախստական։ Արևմուտքը Ուկրաինային օգտագործում է Ռուսաստանի դեմ որպես գործիք ու պոլիգոն: Ինչքան հեռահար զենք տան Ուկրաինային, այնքան ավելի ենք հեռացնելու վտանգը մեր սահմաններից»,- նշել է Պուտինը։
