Թուրքական Ihlas լրատվական գործակալության փոխանցմամբ՝ Թուրքիայի նախագահ Աբդուլլահ Գյուլը Facebook սոցիալական ցանցում բացել է իր էջը։ Երկու օրվա ընթացքում նրա էջն այցելել է ավելի քան 25,000 մարդ, իսկ էջի անգլիական հատվածը՝ 1500 մարդ։
Գյուլի էջը բաց է գրառումների համար, ինչի արդյունքում այնտեղ արդեն իսկ հայտնվել են բազմաթիվ բողոքներ, առաջարկներ, խորհուրդներ ու դրվատանքի խոսքեր։
Նշվում է, որ Թուրքիայի վարչապետ Ռեջեփ Էրդողանը նույնպես Facebook-ում ունի իր էջը, սակայն այն ավելի մեծ վաղեմություն ունի։
Հիշեցնենք, որ Թուրքիայում Facebook սոցիալական ցանցին անդամագրված է 27 միլիոն մարդ, այդ ցուցանիշով Թուրքիան աշխարհում զբաղեցնում է 4-րդ տեղը։
