Ղազախստանը, Ուզբեկստանը և Ռուսաստանը պայմանավորվել են արագացնել գազի շուրջ բանակցությունները։ Այդ մասին հաղորդում է Ուզբեկստանի էներգետիկայի նախարարության մամուլի ծառայությունը:
«Փետրվարի 9-ին Սանկտ Պետերբուրգում Ուզբեկստանի էներգետիկայի նախարար Ժուրաբեկ Միրզամախմուդովը, «Գազպրոմ» ԲԲԸ վարչության նախագահ Ա.Միլլերը և Ղազախստանի էներգետիկայի նախարար Բոլատ Աքչուլակովը եռակողմ հանդիպում են անցկացրել», – ասված է հաղորդագրության մեջ:
Երկրները քննարկել են Ղազախստանի տարածքով Ուզբեկստան ռուսական բնական գազի մատակարարման հարցերը, մասնավորապես, եռակողմ աշխատանքային խմբի կողմից անցկացված նախնական տեխնիկական զննման արդյունքները, մատակարարումների առկա հնարավորությունները, ինչպես նաև հունվարին ստորագրված ճանապարհային քարտեզի իրականացումը:
