Իրավապաշպան Արթուր Սաքունցը ֆեյսբուքյան իր էջբւմ գրել է. Ես չգիտեմ, թե ինչ ռեֆորմներ են իրականացնում կրթական համակարգում, բայց, որ ներքոհիշյալ թվերը վկայում են բացարձակ ձախողված կրթական համակարգի մասին, անվիճելի է:
Պետք է արտակարգ դրություն հայտարարել կրթական համակարգում և արտակարգ միջոցառումներ իրականացնել, սովորողներին գիտելիք տրամադրելու, բացառիկ անգրագիտությունը վերացնելու համար. ուզում եք երեկոյան դօրոցներ բացեք, ուզում եք լրացուցիչ պարապեք, կամ ամառային ճամբարներ կազմակերպեք, կարևորը հենց հիմա պետք է մեր երեխաների գերակշիռ մասը պետք է գրագետ տիրապետեն հայոց լեզվին մաթեմատիկային:
Սա իրապես ազգային անվտանգության թիվ մեկ սպառնալիքն է՝ երեխաների անգրագիտությունը, որը հետո կձևավորի անգրագետ հասարակություն:
Կրթության նախարարության որը ծրագիրն է հենց նշված խնդիրը լուծում: Դպրոցները թողնել ինքնահոսի, իբր թե ինքնակառավարվող են, ուղղակի հանցագործություն է երեխաների ու պետության հանդեպ:
“40 դպրոցներում իրականացված ստուգումների շրջանակում սովորողների (VI, IX, XI) մնացորդային գիտելիքների մակարդակը որոշելու նպատակով տրված գրավոր աշխատանքների արդյունքներն այսպիսին են.
Հայոց լեզվի թելադրությանը մասնակցած 3624 սովորողներից «Գերազանց» են գնահատվել 479-ը (13.2%), «Լավ»՝ 1058-ը (29.2%), «Բավարար»՝ 1081-ը (29.8%), «Անբավարար»՝ 1006-ը (27.8%):
Մաթեմատիկայի գրավոր աշխատանքին մասնակցած 3543 սովորողներից (Գծապատկեր 2) «Գերազանց» են գնահատվել 165-ը (4.7%), «Լավ»՝ 418-ը (11.8%), «Բավարար»՝ 1383-ը (39%), «Անբավարար»՝ 1577-ը (44.5%):
