Թուրքական Ankara լրատվական գործակալության փոխանցմամբ՝ Թուրքիայի նախագահ Աբդուլլահ Գյուլը մեկնաբանել է նախորդ տարվա մայիսի 31-ին գրանցված «Մավի Մարմարա»-ի միջադեպի վերաբերյալ զեկույցի հրապարակումը, ինչին հաջորդեցին Իսրայելի նկատմամբ թուրքական կողմի բարձրաձայնած պատժամիջոցները.
«Այդ զեկույցը մեզ համար ոչինչ չարժե։ Իսրայելի կառավարությունը հայտնվել է այնպիսի իրավիճակում, որտեղից դուրս գալու համար քաղաքական պաշար պարզապես չունի։ Իսրայելի ներկայիս կառավարությունը բեռ է դարձել սեփական ժողովրդի համար։
Մեր կողմից բարձրաձայնված պատժամիջոցների մասին որոշում ընդունելը միայն առաջին փուլն է։ Իսրայելի նկատմամբ կարող են գործի դրվել նոր պատժամիջոցներ՝ կախված նրա արձագանքից։ Թուրքիան այս տարածաշրջանի ամենազորեղ երկիրն է»։
