ՀԱԿ Գյումրու տարածքային կառույցի պատասխանատու, ազատամարտիկ Աշոտ Զաքարյանը «Առաջին լրատվական»-ի հետ զրույցում նշեց, որ Արցախի անկախության 20 տարիների կարևոր ձեռքբերումներն են Արցախի լիակատար ազատագրումը և Արցախի ժողովրդի համար երաշխիքների ստեղծումը:
Զարքարյանը նկատեց, որ անցնող 20 տարիների ընթացքում Արցախը թե՛ պետական կառուցվածքով, թե՛ ժողովրդավարական համակարգով, թե՛ կարգավորման առումովամենաուժեղն ու ամենաանկախը եղել է 90-ականներին. «Այն ժանանակ Արցախը բանակցային գործընթացի կողմ էր և հստակ տեսակետներ արտահայտելուու որոշումների վրա կարևորագույն ազդեցություն թողնելու հնարավորություն ուներ: Այսօր, ցավոք, Արցախն այդ հնարավորությունից զրկված է»:
Ազատամարտիկը հիշեցրեց, որ Արցախի այդ ուժեղ կարգավիճակը տևել է մինչև այն պահը, երբ Ռոբերտ Քոչարյանի «թեթև ձեռքով» Լեռնային Ղարաբաղը զրկվեց բանակցությունների լիարժեք կողմ լինելու իրավունքից:
