«ՀԺ»-ի ձեռք է բերել փաստաթղթեր, որտեղ երևում է, թե ինչ են արել Հայաստանում Եվրամիության տրամադրած միլիոնավոր եվրոները:
«Քաղաքացիական հասարակության զարգացման կենտրոն» ՀԿ- 2009-2012թթ. համար ԵՄ-ն հատկացրել է 219 հսզար 600 եվրո՝ երիտասարդ կանանց դերի բարձրացման համար:
Մարդու իրավունքների պաշտպանի գրասենյակ- 2009-2012թթ. համար ԵՄ-ն հատկացրել է 1 միլիոն 300 հազար եվրո:
«Կովկասյան ինստիտուտ » հիմնադրամ- ԵՄ-ն 2009-2011թթ. համար 180 հազար եվրո է հատկացրել`Հայաստանում քաղաքական դեբատների հնարավորություն ստեղծելու համար:
ՀՀ էկոնոմիկայի նախարարություն-2009-2012թթ. համար ԵՄ-ն հատկացրել է 1 միլիոն 100 հազար եվրո`որպես աջակցություն մենեջմենթի կարգավորմանը:
Երևանի մետրոպոլիտեն-2010-2015թթ. համար ԵՄ-ն հատկացրել է 5 միլիոն եվրո`տրանսպորտային քաղաքականության և ադմինիստրատիվ մենեջմենթի նպատակով:
Յոթ միլիոն եվրո Եվրամիությունն այս տարի Հայաստանին հատկացրել է ջրամատակարարման և խմելու ջրի որակի բարձրացման համար (2011-2014թթ): Բայց անգամ մայրաքաղաքի որոշ թաղամասեր մասավորապես այս ամռանը ջրամատակարարման հետ կապված լուրջ խնդիրներ են ունեցել:
«Մարդկային զարգացման միջազգային կենտրոն» ՀԿ- 2010-2013թթ. համար ԵՄ-ն հատկացրել է 1 միլիոն 950 հազար եվրո՝ փաստացի տվյալների հիման վրա աշխատանքային միգրացիայի կառավարման ամրապնդման համար:
«The Al Partership Limited» ընկերություն- ԵՄ-ից ստացել է ավելի քան 196 հազար եվրո՝ Հայաստանի պետական եկամուտների կոմիտեին էլեկտրոնային կառավարման համակարգերի ներկայացման համար:
ԵՄ-ն 16 միլիոն հատկացրել է 2009-2013թթ. Հայաստանի արդարադատության համակարգում բարեփոխումներ իրականացնելու համար:
«Ջինիշյան հիշատակի հիմնադրամ»- ԵՄ-ն ավելի քան 207 հազար եվրո է հատկացրել դպրոցներում դեբատների ակումբ ստեղծելու նախագծի համար:
Ապա թերթը հավելում է. «ՀՀ-ում ԵՄ ներկայացուցչությունից երեկ մեզ այդպես էլ չհաջողվեց մեկնաբանություն ստանալ, թե ինչ մեխանիզմով են բաշխվում սույն գումարները կամ արդյոք դրանց տրամադրումից հետո ծրագրերի իրականացման վերահսկողության մեխանիզմ կա՞:
ԵՄ գրասենյակից հայտնեցին, որ մամուլի խոսնակն արձակուրդում է, և որևէ մեկը չի կարող պատսխանել մեր հարցերին: Ժամանակին իշխանամերձ շրջանակները իրենց վերահսկողության տակ գտնվող լրատվամիջոցներով տարածում էին, թե ընդդիմությանը դրսից ֆինանսավորում են, որ նա Հայաստանում վերցնի իշխանությունը: Ստացվում է ճիշտ հակառակը՝ իշխանություններն են դրսից ֆինանսավորվում իշխանությունը պահելու համար»:
