Տնտեսական զարգացման և ներդրումների նախարար Վահան Քերոբյանն այսօր՝ նոյեմբերի 23-ին, ընդունել է Սվերդլովսկի փոխնահանգապետ Դմիտրի Իոնինի գլխավորած պատվիրակությանը: Այս մասին տեղեկանում է նախարարի ֆեյսբուքյան գրառումից:
Պատվիրակության կազմում են եղել պետական և մասնավոր հատվածի ներկայացուցիչներ։ Քերոբյանը հայտնել է, որ Սվերդլովսկի հետ արդեն իսկ հաստատվել են գործարար կապեր, սակայն առկա են մեծ հնարավորություններ համագործակցությունն ավելի ընդլայնելու համար։
«Հանդիպման ընթացքում քննարկել ենք տնտեսության տարբեր ուղղություններով երկկողմ գործարար կապերի ամրապնդման նոր հնարավորությունները, մասնավորապես՝ ագրովերամշակման, շինարարության, էներգետիկայի, անտառաշինության, բժշկական սարքաշինության, տեղեկատվական տեխնոլոգիաների և այլ ոլորտներում»,-գրել է Վահան Քերոբյանը:
