Թուրքիայի նախագահ Ռեջեփ Թայիփ Էրդողանը հրամանագիր է ստորագրել Շաքիր Օզքան Թորունլարին դիվանագիտական հարաբերությունների վերականգնումից հետո Իսրայելում Թուրքիայի դեսպան նշանակելու մասին, համապատասխան փաստաթուղթը հրապարակվել է Պաշտոնական տեղեկագրում։
Նախագահի հրամանագրում նշվում է, որ «Արտաքին քաղաքականության խորհրդատվական խորհրդի անդամ Շաքիր Օզքան Թորունլարը նշանակվել է Իսրայել Պետությունում Թուրքիայի դեսպան՝ համաձայն նախագահի թիվ 3 հրամանագրի 2-րդ և 3-րդ հոդվածների»։
Ավելի վաղ Թուրքիայի արտգործնախարար Մևլութ Չավուշօղլուն հայտարարել էր, որ Թուրքիան որոշել է դեսպան նշանակել Իսրայելում և վերականգնել դիվանագիտական հարաբերությունները։ Թորունլարը նախկինում զբաղեցրել է Պաղեստինում Թուրքիայի դեսպանի պաշտոնը: