«Ազատ քաղաքացի» ՀԿ նախագահ Հովսեփ Խուրշուդյանը «Առաջին լրատվական»-ի հետ զրույցում նշել է, որ նոյեմբերի 9-ից հետո վերջին երկու տարիները բաց թողնված տարիներ էին, ինչի ամբողջ պատասխանատվությունը իշխանությունների վրա է:
«Միջին և ստորին օղակները կամաց-կամաց վերադառնում են հին կոռուպցիոն ռեժիմին»,-ասել է Խուրշուդյանը: Նրա խոսքով՝ երբ խոսք է գնում բանակի ռեֆորմների մասին, պետք է հասկանալ, որ դրա համար կադրային լրջագույն ռեֆորմներ պետք է իրականացվեին բանակում: Մինչդեռ պատերազմի ավարտից հետո Հայաստանը նորից զենքի գործարք է կնքում ՌԴ-ի հետ:
« Պա՞րզ չէր, որ պետք է դիվերսիֆիկացնել մեր զենքի մատակարարման հարցը: Պա՞րզ չէ, որ Ռուսաստանը կանգնած էր պատերազմի թիկունքում և շահագրգիռ չէր, որ Հայաստանը վերականգնվի»,-ասել է Խուրշուդյանը:
Ըստ նրա՝ Հայաստանն այսօր չունի որևէ ռազմավարություն, քամու հոսքերին ընդառաջ ռեակտիվ քաղաքականություն է վարում: Նա նաև նշել է, որ Հայաստանի իշխանություններն ամբողջությամբ չեն ընկալել, թե ինչ է տեղի ունեցել մեզ հետ: