Այն տնտեսական աճը, որ ունենք` ժամանակավոր է, պետք է զգուշանանք ու բարձր նշաձող վերցնենք: «Առաջին լրատվական»-ի հետ զրույցում նշեց տ.գ.թ, դոցենտ, կառավարման փորձագետ Կարեն Սարգսյանը:
Տնտեսագետը բյուջեն և նրա կառուցվածքը իրատեսական է համարում. «Աճը հիմնականում ծառայությունների ոլորտում է: Գյուղատնտեսության ոլորտում անկում է: Տնտեսական աճը պետք է լինի հավասարաչափ, իսկ հիմա արտաքին պահանջարկի աճի հաշվին է: Արդյունաբերությունը տնտեսության ողնաշարն է, պետք է այս ոլորտին ուշադրություն դարձնել»:
Սարգսյանը ներդրումների համար դրական ազդակներ է տեսնում,սակայն հիմնական խոչընդոտը համարում է տարածաշրջանային խնդիրները:
Անդրադառնալով ԿԲ կողմից վերաֆինանսավորման տոկոսադրույքի բարձրացմանը, տնտեսագետը նշեց, որ վերաֆինանասավորման տոկոսադրույքի բարձրացմանը ԿԲ-ն գնացել է ստիպված. « Վերաֆինանասավորման տոկոսադրույքի բարձրացումը ցանկալի չէր, սա զսպում է տնտեսական աճը, ամրապնդելու է դրամի դիրքերը»:
