«Հանրապետություն» կուսակցության անդամ, Հայ ազգային կոնգրեսի ներկայացուցիչ Սուրեն Աբրահամյանը «Առաջին լրատվականի» հետ զրույցում նշեց, որ չգիտի, թե ինչ նկատառումներից ելնելով են ձերբակալում Մարգար Օհանյանի նման պաշտոնյաներին, սակայն ամեն դեպքում Հայաստանում կոռուպցիայի և կաշառակերության դեմ պայքարի մթնոլորտ չկա:
«Սա ամբողջ իշխանական համակարգի գոյության ձևն է, Մարգարն էլ այդ համակարգի զոհն է: Երևի իրենց ներքին արիշ-վերիշների մեջ «պարզություն» չլինելու համար է ձերբակալվել»,- կարծիք հայտնեց Աբրահամյանը և հավելեց, որ ցավալի է, երբ որոշակի դպրոց անցած մարդիկ դառնում են այս համակարգի զոհը և վերածվում հանցագործի:
Հարցին, թե ինչպիսի ազդեցություն կթողնի այս ձերբակալությունը հասարակության վրա, Աբրահամյանը պատասխանեց, որ հնարավոր է՝ հասարակության միամիտ հատվածը հավատա, որ իշխանությունը դրական գործեր է անում.
«Ի վերջո, Մարգար Օհանյանն այն խոշոր պետական պաշտոնյան չէր կամ այն օլիգարխը չէր, որի գործողություններով պետությանը սոսկալի վնաս էր տրվում: Ավելի այլանդակների հետ համեմատած ինքն ի՞նչ է»:
