Ֆիննական Nokia-ն որոշել է հույսը չդնել իր աշխատակիցների մարկետինգային ունակությունների վրա՝ կոչ անելով Nokia բրենդի երկրպագուներին որոշել նոր սմարթֆոնների շարքի անունը: Ընկերությունը որոշել է, որ այլևս չի պատրաստվում հեռախոսները կոչել հերթական սերիական համարներով, այլ նախընտրում է դրանց անուններ տալ: Այս մասին գրում է ընկերության կայքը:
Սակայն, ի տարբերություն մյուս ընկերությունների, որոնք հիմար անուններ են տալիս իրենց արտադրանքին (ChaCha HTC-ից), տալու է լուրջ անուններ: Այն հեռախոսները, որոնք մինչև տարվա վերջ կթողարկվեն Windows Phone 7 օպերացիոն համակարգով, կունենան «հանդիսատեսի» կողմից ընտրված անուն: Այս պահին առաջատարը Nokia Phoenix անվանում է (Նոկիա «Փյունիկ»): Երկրորդ տեղում Nokia Genesis-ն է, իսկ երրորդում՝ Nokia Fusion-ն ու Nokia Metro-ն: