«Ի պատասխան այսօր մամուլում տարածված՝ ԲԴԽ նախագահի անվան հետ կապված հրապարակումներին, առ այն, որ վերջինս իր համար կազմակերպել է «աննախադեպ անվտանգության միջոցառումներ»՝ տեղեկացնում ենք, որ բարձրաստիճան պաշտոնյայի անվտանգության կարգավորման հարցերը որևէ անհատի որոշելու դաշտում չեն, դրանք կարգավորվում են ոչ թե ԲԴԽ նախագահի ցանկությամբ կամ նախասիրություններով, այլ օրենքով նախատեսված կարգով:
Ինչ վերաբերում է հրապարկման մեջ տեղ գտած ասեկոսեներին, ապա դրանք այնքան մտացածին են, որ նույնիսկ հարկ չենք համարում մեկնաբանել».- այս մասին գրել է Բարձրագույն դատական խորհրդի Մամուլի և հասարակայնության հետ կապերի ծառայության պետի պաշտոնակատար Լիլիթ Շաբոյանը։
Հիշեցնենք, որ այսօր մամուլում լուրեր էին տարածվել, թե ԲԴԽ նախագահ Կարեն Անդրեասյանի թիկնապահները մուտք են գործել Գրիգոր Բեքմեզյանի օգնականի աշխատասենյակ՝ հրահանգելով դուրս գալ սենյակից։