ՄԱԿ-ի Անվտանգության խորհուրդը երեկ թույլատրել է Մեծ Բրիտանիային Լիբիայի նախկին առաջնորդ Մուամար Քադաֆիի հաշվեհամարների վրա գտնվող մոտ 1.6 մլրդ դոլարը տրամադրել Լիբիային օգնություն ցուցաբերելու համար: Այս մասին հաղորդում է France Presse գործակալությունը: Հաշվեհամարների ապասառեցման կոչով հանդես էր եկել ՄԱԿ-ի գլխավոր քարտուղար Բան Կի Մունը: Նա պնդում էր, որ միջազգային հանրությունն անհապաղ պետք է օգնություն ցուցաբերի Լիբիային, քանի որ քաղաքացիական պատերազմի հետևանքով այնտեղ պարենային ճգնաժամ է սկսվում:
Մեծ Բրիտանիայի արտաքին գործերի նախարա Ուիլյամ Հեյգն ասել է, որ հաշվեհամարներից տրամադրվող գումարները կուղղվեն հումանիտար անհետաձգելի ծախսերին, Լիբիայի բանկային համակարգի վերակենդանացմանը, ինչպես նաև պետական պաշտոնյաների աշխատավարձերի վճարմանը:
Հիշեցնենք, որ օգոստոսի 26-ին Քադաֆիի հաշիվներից մոտ 1.5 մլրդ դոլար տրամադրելու իրավունք ստացել էր ԱՄՆ-ը կառավարությունը: