ՀՀ քննչական կոմիտեի զինվորական քննչական գլխավոր վարչության հատկապես կարևոր գործերի քննության վարչությունում քննվող քրեական վարույթի շրջանակներում իրականացված մեծածավալ քննչական և վարութային գործողությունների արդյունքում պարզվել է, որ կոչումով գեներալ-լեյտենանտ Մ.Ա.-ն, Ադրբեջանի Հանրապետության ռազմաքաղաքական ղեկավարության կողմից Արցախի Հանրապետության դեմ սանձազերծած ագրեսիվ պատերազմի ընթացքում, հայտարարված ռազմական դրության պայմաններում՝ 2020 թվականի հոկտեմբերի 30-ից մինչև նոյեմբերի 9-ն ընկած ժամանակահատվածում, Շուշի քաղաքի և հարակից շրջանների պաշտպանության կազմակերպման ընթացքում անփույթ վերաբերմունք է դրսևորել իր ծառայողական պարտականությունների նկատմամբ՝ չկատարելով և ոչ պատշաճ կատարելով դրանք, որպիսի գործողություններն անզգուշությամբ առաջացրել են ծանր հետևանքներ. հակառակորդի զինված ուժերն ամբողջությամբ իրենց վերահսկողության տակ են վերցրել Շուշի քաղաքը և մատույցները, յուրային ստորաբաժանումները կրել են զոհեր և վիրավորներ։ Թեմայի շուրջ «Առաջին լրատվական»-ը զրուցել է «Ողջ Մնալու Արվեստը» ՌՀ ՀԿ ղեղակավար Վովա Վարտանովի հետ:
Վարտանովի խոսքով` Միքայել Արզումանյանի մեղադրանքը մի քիչ անհասկանալի է. «Պետք է ուշադիր լինել քավության նոխազ չդառնա: Միքայել Արզումանյանը արժանի զինվորական է, քննությունը կբացահայտի: Քննության պրոցեսին պետք է հետևել, էմոցիաներին չպետք է տրվել
Վարտանովը կարծում է, որ եթե Միքայել Արզումանյանը մեղավոր լինի, ինքն իրեն կպատժի:
Անդրադառնալով ՊՆ նախագծին, Վարտանովը նշեց, որ նախագիծը ընտիր է ԱՄՆ-ի կամ Կանադայի համար, հանցավոր նախագիծ` Հայաստանի համար:
