Բացահայտվել է լրագրող և փիլիսոփա Դարյա Դուգինայի սպանությունը։ ՌԴ Անվտանգության դաշնային ծառայության(ФСБ) տվյալներով՝ աղջկա սպանության հետևում կանգնած են Ուկրաինայի հատուկ ծառայությունները։ Նշվում է, որ դաժան հանցագործության կատարողը Ուկրաինայի քաղաքացի Նատալյա Վովկն է եղել 1979 թվականին ծնված: Կինը Ռուսաստան է ժամանել հուլիսի 23-ին դստեր հետ։
Հետաքննության նյութերն ուղարկվել են Քննչական կոմիտե։
Հիշեցնենք, որ օգոստոսի 20-ի երեկոյան Մերձմոսկվայի Օդինցովոյի քաղաքային շրջանում զոհվել էր լրագրող և քաղաքագետ Դարյա Դուգինան՝ փիլիսոփա Ալեքսանդր Դուգինի դուստրը։ Աղջիկը գտնվել է ականապատ մեքենայի ղեկին։ Պայթուցիկ սարքը տեղադրված է եղել ավտոմեքենայի ներքևի մասում՝ վարորդի նստատեղի տակ։ Քրեական գործը փոխանցվել է ՌԴ Քննչական կոմիտեի վարույթ։
