Թուրքիայում ուղևորատար ավտոբուս է շրջվել

Թուրքական Sabah թերթի փոխանցմամբ՝ Մալաթիայի նահանգի Աքչադաղ շրջանում շրջվել է Դարենդեդեյից Մալաթիա մեկնող ուղևորատար ավտոբուսը։ Վթարը տեղի է ունեցել Աքչադաղի թղթի գործարանի մերձակայքում։

Վթարի հետևանքով զոհվել է 3 մարդ, վիրավորվել 15-ը։ Վիրավոր ուղևորներին տեղափոխել են մոտակա հիվանդանոցներ։

Տարվում է հետաքննություն վթարի պատճառները պարզելու համար։ Նշվում է, որ, ընդհանուր առմամբ, ռամադան ամսին Թուրքիայում բավական շատացել է ավտովթարների քանակը։