Չինական բանակի Արևելյան հրամանատարական գոտին հայտնել է, որ երեքշաբթի երեկոյան մի շարք ռազմական գործողություններ կսկսի Թայվանի մոտ, հաղորդում են լրատվամիջոցները: Տեղեկանում ենք РИА Новости-ից։
Նախատեսվում է իրականացնել հեռահար ուղիղ կրակ Թայվանի նեղուցում և ոչ միջուկային հրթիռի փորձարկում:
Բացի այդ, հինգշաբթիից կիրակի Թայվանի շրջակայքի վեց շրջաններում ուղիղ կրակով վարժանքներ կանցկացվեն, իսկ բանակը բերվել է մարտական պատրաստության, հայտնել է նաև Չինաստանի պաշտպանության նախարարությունը։
Պեկինը նաև կոչ է արել Վաշինգտոնին դադարեցնել Թայվանը որպես խաղաքարտ օգտագործելը, որպեսզի փորձի վերահսկել Չինաստանը:
Չինաստանի Արտաքին գործերի նախարարությունը վստահեցրել է, որ երկիրը կձեռնարկի բոլոր անհրաժեշտ միջոցները պետական ինքնիշխանությունը պաշտպանելու համար։
Ամերիկյան իշխանությունները պնդում են, որ տարածաշրջանում լարվածության սրման պատճառներ չկան։
Թայվանի հարցը Վաշինգտոնի և Պեկինի հարաբերություններում առանձնակի կարևորություն է ձեռք բերել Ուկրաինայում ստեղծված իրավիճակի ֆոնին։
ԱՄՆ-ը, պաշտոնապես պահպանելով «մեկ Չինաստանի սկզբունքը» և չունենալով դիվանագիտական հարաբերություններ Թայվանի հետ, ոչ միայն կապեր է պահպանում կղզու հետ, այլև պարբերաբար զենք է մատակարարում այնտեղ։
