Ուսումնասիրելով «Իմ քայլը» հիմնադրամի գործունեությունը՝ պարզ է դառնում, որ այժմ հիմնադրամի գործունեության առանցքում կրթությունն է: Հաճախ նշում են, որ մեծ նպատակներին կարելի է հասնել միայն որակապես կրթված հասարակություն ունենալու պարագայում: Թեմայի շուրջ «Առաջին լրատվական»-ը զրուցել է «Իմ Քայլը» հիմնադրամի գործադիր տնօրեն Մխիթար Հայրապետյանի հետ:
Հայրապետյանի փոխանցմամբ՝ 2021-ի հոկտեմբերից վերաիմաստավորել է «Իմ քայլ»-ը հիմնադրամի գործունեությունը․ «Որոշեցինք, որ մարդկային կապիտալի զարգացման ծրագրեր իրականացնենք: Սա կարող է խթան հանդիսանալ, որ հույսը կապենք միայն մարդու հետ: Այն ռեսուրսները, որ «Իմ քայլը» հիմնադրամը կատարում է, պետք է ներդնի մարդկային կապիտալի մեջ: Երեխան իր ծնվելու պահից սկսած մեր շահառուն է: Փորձում ենք ձևավորել կրթական հասարակություն, որը հզոր պետության հիմքն է հանդիսանալու»:
Հայրապետյանը կարծում է, որ 2020-ի պատերազմից հետո մեղավորների հավերժ փնտրտուքի մեջ ենք:
Հայրապետյանը ցավով է նշում, որ Սփյուռքում որոշ մարդիկ ջանքերը ներդնում են ոչ թե համահայկական օրակարգերի սպասարկման համար, այլ վատնում են՝ կարմիր գծեր հատելով․ «Տհաճ միջադեպը օգտագործելով՝ երկխոսություն ենք սկսում մեր այն հայրենակիցների հետ, ովքեր կգործեն ի շահ Հայաստանի: Պետք է արձանագրել՝ ունենք երկարամյա կուսակցություն, որը ունի նաև նվիրյալներ: ՀՅԴ ֆենոմենը երկու անուններով պետք է նկարագրել՝ Արամ Մանուկյան և Իշխան Սաղաթելյան: Երիտասարդ դաշնակացկանները պետք է իրենց համար կրկնօրինակում վերցնեն ոչ թե Իշխան Սաղաթելյանին, այլ Արամ Մանուկյանին: ՀՅԴերկու ֆենոմենների՝ Արամ Մանուկյանի և Իշխան Սաղաթելյանի մասին նույն պատկառանքով չես կարող խոսել>:
