ՌԴ նախագահի խոսնակ Դմիտրի Պեսկովն անդրադարձել է նախագահի աշխատակազմի նախկին ղեկավար Անատոլի Չուբայսի առողջական վիճակի վատարացմանը, հիվանդության մասին հաղորդումներն անվանելով տխուր լուր։
Կրեմլը Չուբայսին մաղթել է շուտափույթ ապաքինում։ Միաժամանակ Կրեմլը պնդում է, որ տեղյակ չեն նրա հոսպիտալացման մանրամասներին։
Ըստ Պեսկովի, Չուբայսը հոսպիտալացման հետ կապված օգնություն չի խնդրել, եթե նման խնդրանքներ լինեն, Կրեմլը կփորձեր օգնել։
Հիշեցնենք՝ Չուբայսը տեղափոխվել է եվրոպական կլինիկաներից մեկի վերակենդանացման բաժանմունք. նրա մոտ հայտնաբերվել է Գիյեն-Բարրեի համախտանիշ։