Ռուս-ուկրաինական պատերազմով պայմանավորված այսօր մեծ դիմակայություն կա Կովկասի համար: Եվ մենք տեսնում ենք պայքար տակտիկաների և տարբեր ռազմավարությունների, պայքար ռեգիոնալ կառավարման համար, և այստեղ ԱՄՆ-ի առանցքային նպատակները Իրանն ու ՌԴ-ն են։ Թեմայի շուրջ «Առաջին լրատվական»-ը զրուցել է քաղաքագետ Արեգ Քոչինյանի հետ:
Անդրադառնալով Բլինքեն-Փաշինյան հեռախոսազրույցին, Արեգ Քոչինյանը նշեց․ «ԱՄՆ-ի կողմից սա անհրաժեշտ, բայց ոչ բավարար քայլ է: Հայ քաղաքական մտքին ջուրը չտեսած հանվելու անհագ ցանկությունը բնորոշ է, բայց ԱՄՆ-ի հայտարարություններից պետք չէ միանգամից «հանվել»: Հայաստանը ԱՄՆ-ի դաշնակիցը չէ, հարցերը պետք է ուղղել դաշնակից ՌԴ-ին»:
Քաղաքագետը կարծում է, որ Ռուսաստանին անհրաժեշտ է Արևմուտքի կողմից չվերահսկվող ճանապարհ դեպի թուրքական շուկա․ «Իրանը և Արևմուտքը այս պահին խոչընդոտում են միանցքային տրամաբանությանը»:
