ԱԺ նախագահի՝ ՍԴ դիմումը դեպի իրավական պետություն գնալու քայլ է: «Առաջին լրատվական»-ի հետ զրույցում նշեց ՔԺԿ փոխնախագահ, քաղաքագետ Հայկ Սուքիասյանը:
Քաղաքագետի խոսքով՝ սա հիվանդ խորհրդարան է․ ինչ-որ խմբավորումների բախում է․ «Եթե մուրճի հարվածը զգան ծոծրակին, խորհրդարանում նման բովանդակություն չենք տեսնի: Եթե իշխանությունը, ՍԴ-ն գնալու է ճաշակով հարց լուծելուն, ստանալու է վատթարագույն հետևանք: Հայաստանը պետք է դառնա իրավական պետություն»:
Սուքիասյանը կարծում է, որ իշխանությունը ըստ ճաշակի չպետք է զրկի մանդատներից․ «Եթե իշխանությունը ճաշակով աշխատի, հաջորդ դուրս շպրտվողը ինքն է լինելու: Խորհրդարան սողոսկել են ուժեր, որոնք պառլամենտը թողած 2-3 հազարով ցույցեր էին անում»:
