Ճապոնիայի վարչապետ Ֆումիո Կիսիդան հուլիսի 8-ին ուղղաթիռով շտապ Տոկիոյի իր նստավայր Է ժամանել այդ օրը Ճապոնիայի կառավարության նախկին ղեկավար Սինձո Աբեի դեմ կատարված մահափորձի պատճառով: Այդ մասին հաղորդել Է NHK հեռուստաալիքը: Ավելի վաղ Ճապոնիայի կառավարությունում ստեղծվել Է ճգնաժամային շտաբ նախկին վարչապետի դեմ մահափորձի պատճառով:
Աբեի դեմ մահափորձը տեղի Է ունեցել ուրբաթ օրը տեղական ժամանակով կեսօրին մոտ, երբ նա ճառով հանդես Էր գալիս Նարա քաղաքում հուլիսի 10-ին կայանալիք խորհրդարանի վերին պալատի ընտրություններից առաջ ընտրարշավի շրջանակներում: 41-ամյա ճապոնացի Տեցույա Յամագամին երկու անգամ կրակել Է նրա թիկունքին: Աբեն հոսպիտալացվել Է կրծքի եւ պարանոցի վերքերով: Արտակարգ ծառայություններում ՏԱՍՍ-ին հայտնել են, որ Աբեն գտնվում Է «սրտի եւ թոքերի կանգի վիճակում», բայց նրա մահը հաստատված չԷ: Հարձակվողը ձերբակալված Է, նրա դրդապատճառները հայտնի չեն: Հաղորդվում Է, որ ավելի վաղ նա ծառայել Է Ճապոնիայի ռազմածովային ուժերում:
