Մեծ Բրիտանիայի վարչապետ Բորիս Ջոնսոնը մոտ է հրաժարական տալուն։ Սա երեք տարվա մեջ առաջին դեպքը չէ, և անվերջանալի սկանդալներ էլի են եղել։ Նախ, նրա դեմ ապստամբել են կուսակիցները, իսկ այժմ՝ ամենամոտ գործընկերները՝ նրա նախարարներն են արդեն փախել նավից։
Հիմնական բողոքը Պահպանողական կուսակցության աշխատանքի արդյունքների կամ ընթացքի մասին չէ, դժգոհությունն անձամբ վարչապետից է։ Գործընկերները պարզապես չեն հավատում նրա պարկեշտությանն ու ազնվությանը: Նրանք կորցրել են հույսը, որ նա երբևէ կփոխվի դեպի լավը։ Նույնիսկ այս վիճակում Ջոնսոնն ինքն իրեն հավատարիմ է և կտրականապես հրաժարվում է հեռանալ:
«Նման դժվարին պայմաններում հսկայական մանդատով վարչապետի անելիքը մեկն է՝ հետագա աշխատանք: Սա այն է, ինչ ես մտադիր եմ անել»,- ասել է Ջոնսոնը խորհրդարանում և իր խնդիրները վերագրել երկրի տնտեսական դժվարություններին ու իրենից քավության նոխազ սարքելու փորձերին: