«Եթե դու ավտորիտար պետության մոդելի պարագայում ձևավորվում ես սահմանադրություն՝ անկախ նրանից, թե ինչ կերպ է դա տեղի ունենում, բնականաբար լեգիտիմության հարց կա։Այսինքն հարց կա՝ առ այն, թե արդյոք այդ սահմանադրությունն իրական է այն առումով, որ արտացոլում է ժողովրդի կամքն ու հիմնված է իշխանությունների տարանջատման սկզբունքի վրա»,-«Առաջին լրատվական»-ի հետ զրույցում նման տեսակետ հայտնեց քաղաքագետ Էդգար Վարդանյանը։
Վարդանյանի խոսքերով՝ սահմանադրությունն իր էությամբ ու բնույթով ժողովրդավարական հասարակությանը հարիր մի բան է․ «Ավտորիտար պետություններն այն ֆորմալ առումով են ընդունում, այնքանով, որքանով որ դա անհրաժեշտ է ժամանակակից աշխարհում»,-նկատեց մեր զրուցակիցը։
Քաղաքագետը նշում է, որ ավտորիտար աշխարհում շատ հաճախ են փոխում սահմանադրությունը, որպեսզի այն հարմարեցնեն իշխող վերնախավի ու կոնկրետ իշխանության գլխին կանգնած մարդու քմահաճույքին․ «Անկախ ամեն ինչից, եթե մենք ավտորիտարից դեպի ժողովրդավարցում անցման փուլում ենք, պարզապես անհրաժեշտ է, որ այդ սահմանադրությունը նոր միջավայրում ընդունվի ու իրականում արտահայտի ժողովրդի կամքը»։
Ըստ Վարդանյանի՝ գործող սահմանադրությունը որոշակի կոնֆլիկտներ ստեղծելու պոտենցիալ ունի․ «Մասնագետները նաև նշում են, որ մի շարք առումներով նաև պատշաճ կերպով թույլ չի տալիս իրականացնել արյդունավետ կառավարում։ Այս խնդիրները պետք է նոր սահմանդրությունում լուծվեն»։
Խոսելով կառավարման համակարգի մասին և անդրադառնալով այն դիտարկամը, թե Հայաստանին պե՞տք չէր մոդելի փոփոխություն, Վարդանյանն ասաց․ «Կա որոշակի փորձ թե դեպի ժողովրդավարություն բռնած պետություններում ինչպիսի կառավարման համակարգն է ավելի նպաստավոր եղել ավելի արագ ու որակյալ ժողովրդավարություն կառուցելու համար։ Եվրոպական պետությունների օրինակը ցույց է տալիս, որ եթե խորհրդարանական կառավարման համակարգ ես բռնում՝ դա ավելի նպաստավոր է եղել»։
Հարցազրույցն ամբողջությամբ՝ տեսանյութում
