ԱՄՆ նախկին նախագահ Դոնալդ Թրամփի կարծիքով՝ Ուկրաինայի հարցում ԱՄՆ նախագահ Ջո Բայդենի վարչակազմի գործողությունները կարող են հանգեցնել համաշխարհային պատերազմի։
«Մեր երկիրը մեծ խնդիրներ ունի: Եվ մենք լուրջ վտանգի առաջ ենք այն ամենի պատճառով, ինչ կատարվում է Ուկրաինայում: ԱՄՆ վարչակազմի գործելակերպը կարող է հանգեցնել համաշխարհային պատերազմի: Խենթություն է, թե ինչ են անում նրանք»,- ասել է Թրամփը։
Թրամփը հավելել է, որ իրավիճակը երկրում ձախողվում է՝ հիշեցնելով Աֆղանստանից ամերիկյան ուժերի դուրսբերման և գնաճի հետ կապված իրավիճակը։