Լեհաստանի իշխող «Օրենք և արդարություն» (PiS) կուսակցության ղեկավար Յարոսլավ Կաչինսկին հրաժարական է տվել փոխվարչապետի պաշտոնից։
«Ես այլևս կառավարությունում չեմ։ Որքան գիտեմ, վարչապետ Մորավեցկին և նախագահ Անջեյ Դուդան ընդունել են իմ հրաժարականը»,- ըստ PAP լրատվական գործակալության՝ ասել է Կաչինսկին։
Կաչինսկին հավելել է, որ փոխվարչապետի պաշտոնում իր հաջորդը լինելու է պաշտպանության նախարար Մարիուշ Բլաշչակը։ «Սա միանգամայն բնական որոշում է. Ուկրաինայում ճգնաժամ է, և նա պաշտպանության նախարարն է, հետևաբար, կոնկրետ այս իրավիճակում նման նշանակումը շատ մեծ առավելություններ ունի»,- հավելել է Կաչինսկին։
