ԱՄՆ-ում ՌԴ դեսպան Անատոլի Անտոնովը, ԶԼՄ-ների համար մեկնաբանելով Արկտիկական խորհրդի արեւմտյան մասնակիցների համատեղ հայտարարությունը դրա գործունեությունն առանց Ռուսաստանի մասնակցության «սահմանափակ» վերսկսելու մասին, ընդգծել Է, որ խորհրդի անունից որոշումները, որոնք ընդունվել են առանց ՌԴ-ի մասնակցության, անօրինական են:
«Նման քայլը չի կարող անհանգստություն չառաջացնել ոչ միայն Ռուսաստանի համար՝ որպես Խորհրդի գործող նախագահի, այլեւ ողջ միջազգային հանրակցության համար, որը շահագրգռված Է այս տարածաշրջանի հետագա կայուն զարգացմամբ: Արձանագրենք, որ միջպետական փոխգործակցության այս բացառիկ ձեւաչափը շարունակում Է քաղաքականացվել: Արկտիկական խորհրդի անունից որոշումները, որոնք ընդունվել են առանց մեր երկրի, կլինեն անօրինական եւ խախտում են փոխհամաձայնության սկզբունքը, որը դրա ղեկավարների կողմից նախատեսված Է փաստաթղթերով»,-նշել Է դեսպանը:
Դեսպանն ընդգծել Է, որ Ծայրագույն Հյուսիսի խնդիրների կարգավորման արդյունավետ ապահովումն առանց Ռուսաստանի պարզապես անհնար Է: «Պատճառն ակնհայտ Է. Անդրբեւեռի ռուսաստանյան մասը, որը տարածաշրջանի ողջ տարածքի մոտավորապես 60 տոկոսն Է, ապրում Է Արկտիկայի բնիկ բնակչության ավելի քան կեսը: Իրականացվում Է բարձր լայնությունների ողջ տնտեսական ակտիվության ավելի քան 70 տոկոսը»,-հայտարարել Է Անտոնովը, հաղորդել Է «Ինտերֆաքսը»: