Արտակարգ իրավիճակների նախարարությունը 2021 թվականի ընթացքում իրականացրել է 6 ծրագիր: Այս մասին ասաց ՀՀ ֆինանսների նախարար Տիգրան Խաչատրյանն ԱԺ մշտական հանձնաժողովների համատեղ նիստում «Հայաստանի Հանրապետության 2021թ. պետական բյուջեի կատարման մասին» տարեկան հաշվետվության ներկայացմանը:
«Պետական բյուջեով նախատեսված էր 14 միլիարդ 133 միլիոն դրամի չափով, տարվա ընթացքում կատարվել են ավելացումներ, հաստատված պլանով հաստատված է եղել 14 միլիարդ 488 միլիոն 500 հազար դրամի ծրագրերի իրականացման համար ֆինանսական ապահովման միջոցներ: Փաստացի նախարարությունը կատարված ծրագրերի արդյունքում արձանագրել է 14 միլիարդ 402 միլիոն 423 հազար դրամի կատարողական: Կատարողականը կազմում է 99,4 տոկոս»,- ասաց Տիգրան Խաչատրյանը:
