Լարսի մաքսակետը արմատապես վերանորոգվում է, հայկական կողմը շինարարներին խնդրել է մարդատարների համար փոքր տերմինալ տրամադրել, սակայն լավագույն դեպքում մեկ ամսից կտրամադրեն: Այդ մասին «Առաջին լրատվական»-ի հետ զրույցում ասաց Վերին Լարսում մաքսային կցորդ Արամ Թանանյանը:
Վերին Լարսի անցակետում ռուսական կողմից կոլապս է եղել եղանակով պայմանավորված, սակայն հիմա եղանակը բացվել է: Թանանյանը նշեց, որ ՌԴ-ից օրական 500-550 բեռնատար է դուրս գալիս և մոտ 800 մարդատար և մոտ 20 ավտոբուս։ Վրաստանից մտնում է 420-450 բեռատար, 700 մարդատար, 15 հատ էլ ավտոբուս այն պարագայում, որ մեկ ուղղությամբ թողունակությունը 100 բեռնատար,100 մարդատար և 15 ավտոբուս է։ Արամ Թանանյանի խոսքով՝ հունիսի 1-ից մարդատարների հոսքը էապես կավելանա, իսկ գիտենք, որ անցակետի 6 գծերից 3-4-ը տրամադրում են մարդատարներին:
«Ի լրումն այս ամենի՝ Լարսի մաքսակետը շինարարական հրապարակ է դարձել, արմատապես վերակառուցվում է։ Սա հանգեցրել է նրան, որ որոշ սահմանափակումներ են տեղի ունեցել Լարսի տարածքում»,-ասաց Թանանյանը։ 2000-ից 2009 թթ արդիականացվել է Լարսը, այն ժամանակ Հարավային Օսիան, Աբխազիայի երկաթգիծը կային, և Լարսը ընդհանուր շարժի մեջ 15 տոկոս է եղել։ Լարսի անցակետը կառուցվել է այդ տրամաբանությամբ, բայց պատերազմից հետո Աբխազան և Օսեթիան փակվեցին, և ամբողջ ծանրությունն ընկավ Լարսի վրա: Արդյունքում, 2009-ից առայսօր Լարսը ռեզինի պես ձգում ենք, տարաձգում ենք, ինչ ծաղրուծանակի չենք ենթարկում, ինքը տոկուն աշխատում է»,-ասաց Թանանյանը:
Մաքսային կցորդը նշեց, որ անընդհատ այլընտրանքային փնտրտուքների մեջ են, և հիմա մտադիր են այնպես անել, որ Վրաստանից Ռուսաստան մտնող հայկական մեքենաները Վերին Լարսի մաքսակետում չկանգնեն, չմտնեն կայանատեղի, այլ 6 կմ ներքև տեղակայված Վլադիկավկազի մաքսակետում ձևակերպում անցնեն։
Այս պահին, նրա խոսքով, Թուրքիայից դեպի Վրաստան՝ Սարբի մաքսակետում կանգնած է 700 բեռնատար. «Սարբիում մոտ 700 մեքենայի առկայությունը խոսում է այն մասին, որ Վրաստանում կանգնելու տեղ չկա, բայց պետք է հիշենք, որ այլ երկրների համեմատությամբ մենք այլընտրանք չունենք։ Վրաստան-Ադրբեջան սահմանին կանգնած է 600 մեքենա, ինչը վկայում է, որ Ադրբեջանում էլ են հերթեր գոյացել։
Ռազմական գործողությունների հետ կապված Սև ծովում լաստանավերը թույլ են աշխատում, արդյոնքում բեռնափոխադևողները հուսյը մեքեննաների վրա են դրել և եվրոպական հոսքերը այդ ուղղության վրա են, դրա համար ծանրաբեռնվածություն է, հոսքերը մեծացել են։ Որպեսզի մի քիչ էլ կարողանանք Վրաստանից մեծացնենք, հայկական մեքենաների համար համաձայնություն ենք ձեք բերել Ռուսական կողմի հետ»,-ընդգծեց Թանանյանը:
Նրա խոսքով, ռուսները 12 –ժամյա հերթափոխով են աշխատում, ինչն աննորմալ ռեժիմ է. «Բայց ստիպված են անում, որ ինտենսիվ աշխատեն: Դրանից բացի, քանի որ նոր մաքսակետ է կառուցվում շինարարներին խնդրել ենք որ մի փոքրիկ տերմինալ տան մարդատարների համար, մեկ –երկու ամսում խոստացել են տալ: Փորձում ենք մի քիչ էլ արագացնենք, որ ոչ թե մեկ-երկու ամսից տան, այլ մեկ ամսից։
Նստած օդից տարբերակներ ենք մտածում որովհետև կանխատեսվում է հոսքերի ավելացում հատկապես մարդատարների: Հունիսի մեկից, երբ արձակուրդները սկսեն, բոլորը ծովափ կգնան Վրաստանով, մարդատարների հոսքը չես կարող կանխատեսել և կարգավորել»,-հայտարարեց մաքսային կցորդը: Նա նաև հիշեցրեց, որ շուտով ծիրանի սեզոնն է գալիս և մեծ հարված կլինի ծիրանի արտահանմանը, եթե այս խնդիրները չկարգավորվեն, և ասենք, ծիրանը մի քանի օր մնա անցակետում: «Մերոնք դրանով զբաղվում են, վրացիների և ռուսների հետ աշխատում են: Ծիրանը Լարսից Մոսկվա հասցնելու համար երեք օր է պետք: Եթե մեկ շաբաթ Վրաստանում կանգնի, հաշվեք՝ կորել ենք»,-ասաց նա:
