Թուրքիայում Ռիզե-Արտվին օդանավակայանի բացման արարողության ժամանակ Ադրբեջանի նախագահ Իլհամ Ալիևը ղարաբաղյան երկրորդ պատերազմն անվանել է «Ադրբեջանի և Թուրքիայի ընդհանուր փառավոր պատմություն»։ «Մենք վերջ դրեցինք երեսուն տարվա օկուպացիային, և պատերազմի առաջին օրը հարգարժան նախագահը, եղբայրս՝ Ռեջեփ Թայիփ Էրդողանն ասել էր. «Ադրբեջանը մենակ չէ, Թուրքիան Ադրբեջանի կողքին է։ Մինչեւ պատերազմի վերջին րոպեն Թուրքիան կանգնած էր մեր թիկունքում, մեր հենարանն ու աջակիցն էր, եւ ադրբեջանական ժողովուրդը երբեք չի մոռանա այս եղբայրությունը, ինչը լուրջ ուղերձ էր շատերի համար», հավելել է Ալիևը։
«Մենք աշխարհի ամենամոտ երկրներն ենք: Անցյալ տարի Թուրքիայի և Ադրբեջանի միջեւ համատեղ հռչակագրի ստորագրումը մեր հարաբերությունները բարձրացրեց դաշնակցային մակարդակի։ Մենք ընկերներ ենք, եղբայրներ, իսկ հիմա արդեն՝ նաև պաշտոնապես դաշնակիցներ»,- շեշտել է Ադրբեջանի նախագահը։