Վիսկոնսինի համալսարանի ինժեներներ Թոմ Կրուպենկինը և Էշլի Թեյլորը ստեղծել են մի այնպիսի մարտկոց, որը կարող է լիցքավորվել մարդու քայլելու ընթացքում: Ինչպես գրում է Nature ամսագիրը, նոր տիպի մարտկոցը թույլ կտա մարդկանց քայլելու ընթացքում ավելացնել իրենց հեռախոսների էլեկտրալիցքավորումը, իսկ սուպերմարկետներին թույլ կտա էլեկտրաէներգիայի ծախսը հոգալ հաճախորդների հաշվին:
Գիտնականների ուշադրությունը գրավել է այն հանգամանքը, որ երբ կաթիլների միջով էլեկտրականություն է անցնում, դրանք այլ մարմինների հետ բախվելիս ավելի հեշտ են կպնում նրանց: Այս երևույթը, սակայն, կարելի է կիրառել նաև հակառակ տարբերակով: Այսինքն, եթե կաթիլները անընդհանտ բախվեն այլ մարմինների, ապա կարտադրեն էլեկտրականության շատ փոքր քանակ, սակայն քայլող մարդը կարող է այդ քանակը մեծացնել առանց ջանք գործադրելու:
Գիտնականները ներկայումս աշխատում են համապատասխան կոշիկներ ստեղծելու վրա, որը թույլ կտա արտադրել էլեկտրականություն քայլելու ժամանակ: